nave-Ga en Galego

Inseguridade viaria en Cabanas I

En estes tempos de crise económica, con escaseza de auga no concello de Cabanas, cando se pide ós veciños que moderen o seu consumo, se corta a auga ás duchas da praia (cando vemos por outra lado o malgasto nas fontes do piñeiral), parecería que non é o momento oportuno para incomodar ós turistas con denuncias por estacionar de modo indebido na zona da praia da Magdalena, pois nada máis lonxe da realidade pois esta "vista gorda" é a política habitual da policía local de este concello que antepón o non multar ós veraneantes antes que asegurar unha verdadeira seguridade viaria, que é o seu traballo polo que cobran a final de mes.
Para mostra un botón, podemos apreciar nas fotos como unha beirarrúa da Avenida da Magdalena encontrase colapsada polos vehículos encima dela, e os viandantes teñen que circular pola rúa pois pola beirarrúa non poden, co risco de atropelo que isto conleva. Isto se chama INSEGURIDADE VIARIA EN CABANAS.

Festas en Laraxe 2011

Un ano máis estamos de festas en Laraxe os dias 10, 11 e 12 de Agosto (xa sabedes que non se poden cambiar os dias senón o santo incomodase), este ano coincide en mércores, xoves e venres, rematando coa sardiñada.
Invitámosvos a todos a que nos visitedes e pasedes connosco estes días de festa.
Agardemos que o bo tempo nos acompañe e poidamos gozar delas na vosa compaña e das nosas familias e amigos.

Germán Castrillón é o alcalde máis nefasto que tivo Cabanas

Xosé Manuel Pérez Sardiña, onte, na Coruña. / carlos pardellas


O nacionalista Xosé Manuel Pérez Sardiña, tras catro anos de dura oposición con cantidade de críticas ao Goberno local e en concreto ao alcalde, Germán Castrillón, confía en acadar a Alcaldía para poñer solución, entre outras cousas, á situación económica do Concello

VIVIANA BURÓN | CABANAS Xosé Manuel Pérez Sardiña, que traballa no campo da investigación universitaria, preséntase por terceira vez como candidato do Bloque Nacionalista Galego (BNG) á Alcaldía de Cabanas. Se gaña ás eleccións, sería o primeiro alcalde nacionalista do municipio.

-Que foi o peor destes últimos catro anos na política en Cabanas?

-A situación económica na que quedou o Concello pola mala xestión do Goberno local. Rematamos a lexislatura con resultados negativos tanto en 2010 como a previsión para o 2011. Subeu os impostos ca finalidade de pagar o Elpidio pero ao final descubriuse que unha maior parte foi para pagar cousas que non eran necesarias.

-Por exemplo?

-Grandes comidas e grandes fastos, asistencia de protocolo e xurídica. Tamén hai deficiencias na previsión das obras e mesmo nos orzamentos.

-E o mellor?

-A participación e mobilización dos vecinos para mellorar as cousas do seu contorno, como o pintado da N-651 ou o saneamento de Porto e Pedreiras.

-Este é un logro do Goberno local?

-Non. Aí é onde fallou o Goberno local, que nesa xestión non é capaz de acadar uns obxetivos de calidade, de eficiencia, cousas que deberían estar presentes na Administración local.

-Como afronta os próximos comicios?

-Coa confianza de que os vecinos de Cabanas sean conscientes da necesidade de un cambio.

-Con expectativas realistas de gobernar ou loita por acadar algún concelleiro máis?

-Non, a miña expectativa é o cambio de Goberno.

-Cal é a máis forte aposta do BNG se gaña as eleccións?

-Crear emprego potenciando as áreas sociais e de servizos e unha aposta en firme pola rehabilitación.

-Tras moitos rifirrafes có alcalde, Germán Castrillón, cal foi o maior erro do rexedor?

-Moitos! O outro día, a miña compañeira, Teresa García, dixo que Castrillón é o alcalde máis nefasto que tivo Cabanas e eu non lle quito a razón. Puido facer moitas cousas e non ás fixo.

laopinioncoruña.es

Unha explosión nunha planta eléctrica de EEUU causa polo menos cinco mortos

A forte explosión, similar a un terremoto segundo algunhas testemuñas, sacudiu unha hora antes do mediodía de onte a cidade de Middletown, situada no estado norteamericano de Connecticut. Os veciños da zona viron como os cristais das súas fiestras rompían e desencaixábanse as portas das súas vivendas, mentres moitos dos tabiques se resquebrajaban. Pronto foron conscientes do que sucedera. A central eléctrica de ciclo combinado localizada a dezaseis quilómetros do centro da localidade e que dá traballo a moitos dos seus habitantes estalara.
O temor a que se produciron gran cantidade de vítimas mortais sacudiu a toda a zona. Pronto comezaron os rumores sobre o número de mortos que podía haber. As primeiras informacións de Policía e Bombeiros falaban só de dous falecidos e decenas de feridos. Con todo, unha testemuña da traxedia, segundo recollía o diario local "Hartford Courant" , aseguraba que vira «corpos por todas partes».
Outra persoa que se atopaba cerca no momento de producirse o sinistro indicou que moitas das vítimas atopábanse aínda baixo os cascallos xerados pola explosión. E unha máis manifestou que o estalido ocorreu xusto cando se activou o sistema de xeración da central para realizar unha proba. Os primeiros informes apuntan a que o accidente, ocorrido ás 11.00 horas de onte (17.00 hora peninsular), tivo a súa orixe no rebentón dunha das tubaxes de gas da central.
O subjefe dos Bombeiros de Middletown, indicou que había «mortes confirmadas», pero non puido precisar máis. Ademais, destacou que no momento da explosión polo menos cincuenta obreiros da construción atopábanse realizando diversos labores na planta, ademais do outro medio centenar de operarios que habitualmente traballa na central. Unha das tarefas que se acometían no momento da deflagración consistía en purgar as conducións de gas natural. O lugar preciso onde se produciu o estalido foi o edificio máis grande do complexo capaz de xerar 620 megavatios, que quedou reducido a cascallos, segundo varias persoas.
Polo menos vinte ambulancias, camións de bombeiros e un helicóptero desprazáronse rapidamente ata a Kleen Energy Systems, que se atopaba en construción e tiña previsto comezar a funcionar a finais deste ano. Unha columna de fume que podía verse a quilómetros de distancia daba idea da magnitude do accidente. Os aproximadamente cen bombeiros desprazados ata a planta declararon extinguido o incendio sobre as 13.30 horas e as autoridades sostiveron pouco despois que desaparecera calquera perigo.

Procura e rescate

O administrador da planta eléctrica, Gordon Holk, citado pola CNN, non puido confirmar tampouco o número de vítimas, aínda que confirmou que había varias. Ao mesmo tempo falaba de «moitos afectados» e varios traballadores en paradoiro descoñecido, que poderían acharse baixo os cascallos. «Desenvolvemos unha operación de procura e rescate», afirmou Holk.
O hospital de Middlesex, nas proximidades da planta, informou de que recibira a once feridos, dos que un foi trasladado a outro centro en Hartford. Varios dos afectados presentaban ósos rotos na pelvis e as extremidades, declarou á CNN o médico Jonathan Bankoff. Tamén sinalou que polo menos dous se atopaban en estado crítico.
O funcionario Kevin White da Policía de Middletown dixo a Reuters que se estaban levando a cabo probas no momento da explosión e que a planta tiña almacenada unha gran cantidade de gas natural. «Desenvolvemos unha operación de procura e rescate», asegurou o administrador da planta.

Comité Cidadán de Emerxencia
A nova en Chuza

Descarga do 54 gasero en Reganosa por razóns técnicas de seguridade.

Segundo a súa programación, Reganosa, non tiña prevista descargas hasta o 30 de Novembro.
ENAGAS, Xestor Técnico do Sistema Gasístico, desvía este buque (previsto para Barcelona) á Planta de Mugardos, por razóns técnicas e de seguridade da Planta, evitando, que ésta, ao carecer de demanda, e no manter os niveis mínimos, alcance os recomendados mara manter o fluxo sen liberalo a atmósfera ou queimalo.
Con esta manobra, o gas demandado en Cataluña remítese desde Mugardos, incrementando, polos gastos de bombeo, o seu custo final.
Esta intervención do Xestor do Sistema, supón unha confirmación, de que a Planta de Gas de Reganosa, nin é extratéxica, nin ten demanda dos comercializadores de gas, para funcionar tan siquera baixo mínimos e que non está xa pechada para non perder as retribucións do Sistema. Retribucións que saen do peto de todos os cidadáns.

Ler a nota do CCE en detalle:
Ante a próxima entrada dun gaseiro na ría de Ferrol queremos destacar o seguinte:
Segundo a programación do mes de novembro, Reganosa non tiña previsto descargar ningún barco até o día 30 de novembro. Entón por que o adiantan ao día 10?
A nota de Enagas, Xestor Técnico do Sistema Gasistico, do día 29 de outubro, di que:
A programación inicial de entradas e saídas de transporte no sistema gasista por parte dos usuarios para o mes de novembro de 2009, dá como resultado unha achega de GNL na Planta de Mugardos insuficiente para atender a produción diaria mínima desde dita planta de regasificación, en aplicación do Protocolo de Rangos Admisibles PD-09, que garanta o suficiente fluxo de GNL no relicuador e que evite a emisión de metano á atmosfera.
Para solucionar este problema técnico, desvían un gaseiro que tiña prevista a súa descarga en Barcelona para facelo en Mugardos.
Nesa nota cita o Protocolo de Rangos Admisibles PD-09, que é un protocolo aprobado pola Dirección de política Enerxética e Minas en abril do 2007, onde fala da necesidade de que cada planta de regasificación dispoña dun volume mínimo -gas talón- para asegurar que se vai poder relicuar o gas de boil-off que se xera de forma natural nos tanques evitando así a súa emisión á atmosfera.
A generacion de gas de bolil-off é inevitable dada a baixa temperatura do GNL respecto ao ambiente, a pesar de todo o illamento con que contan os tanques. Se nos tanques non hai GNL suficiente para poder realizar esta operación de relicuación, incrementaríase a cantidade de gas no seu interior e para evitar que suba a presión dentro do tanque, obrigaría a emitir o exceso á atmosfera.
Enagas, como xestor do sistema, adoita tomar como valor medio do gas talón para cada planta o 9 % da súa capacidade total. Isto é, no caso de Mugardos con dous tanques de 150.000 m3 debería ter sempre almacenados por encima de 27.000 m3 de GNL entre os dous tanques. Mirando a programación dos meses de outubro e novembro, o día 13 de novembro alcanzaríase o valor mínimo dos 27.000 m3 fixado como valor de gas talón. Como na programación non tiñan previsto outra descarga até o 30 de novembro por falta de demanda, é polo que o xestor do sistema obrígalles, por razóns técnicas, a descargar en Mugardos un buque que ía destinado a outra planta.
Noutros documentos do xestor técnico do sistema gasístico, por encima do gas talón de 27.000 m3 hai outro límite mais alto que é o que ENAGAS chama “existencia minima por seguridade técnica” que no caso de Reganosa é de 44.713 m3, segundo apréciase no documento “mínimos técnicos zonais para o mes de novembro 2009”, que adxunto.
Suponse que Reganosa non quere pechar a planta definitivamente pois isto suporía deixar de cobrar as retribucións do sistema, pero si os comercializadores de gas non lle contratan regasificación suficiente vai estar obrigada a facelo antes ou despois. Se non fai programación é por falta de contratos e por iso só conta cunha produción constante de só 35 GWh/dia, que pouco mais é que manter a presión no gasoduto para compensar perdas.
¿Onde está a necesidade estratéxica de Reganosa se non ten contratados consumos suficientes, nin sequera para un funcionamento baixo mínimos? Non temos ningunha necesidade de tela no interior da ria. Só serve para manter un risco innecesario xa que deberían ser eles os que contratasen a descarga de gaseros (á súa costa se fose necesario) sen esperar a que o xestor técnico chámelles a atención e obríguelles a iso. ¿Non deberían estar eles pendentes de que o gas nos tanques superase sempre o gas talón e as existencias mínimas por seguridade técnica?
Á parte do risco a que someten á poboación, este feito representa unha proba máis de que esta planta é onerosa para o sistema, xa que si este gas ía ser descargado en Barcelona, quere dicir que os consumos estaban comprometidos por esa zona e agora hai que transportalos desde Galicia. A perdida de presión nos gasodutos está entre 0.1 e 0.2 bar por quilómetro, dependendo do diámetro e estado de conservación. Por cada 100 km de transporte por gasoduto caerían entre 10 e 20 bar, co que obriga a ter unha estación de bombeo para elevar e manter a presión. O consumo das sucesivas estacións de bombeo é un gasto máis para o sistema e por tanto para todos os usuarios que deben pagar a falta de previsión dos responsables da planta de Mugardos.
Ademais o feito de que o xestor do sistema teña que ordenar a desviación dun gaseiro a descargar na planta de Mugardos para asegurar os límites mínimos de seguridade técnica dános idea da irresponsabilidade dos xestores da planta de Mugardos, xa que deberían ser eles os que fixesen a previsión e planificación de descargas necesarias.

Ferrol, 9 de novembro 2009

Comité Cidadán de Emerxencia para a Ría de Ferrol

O concello de Cabanas gasta 12000 euros en churrasco en dous anos

A viceportavoz do Bloque Nacionalista Galego de Cabanas, Teresa García, denuncia que o Goberno local do Partido Popular destinou 12.426 euros para comprar "churrasco" para a celebración de Santa Marta dos anos 2007 e 2008. O BNG cre que esta "avultada factura" pódese corresponder coa compra de 1.450 quilos de "costela e chourizos criollos".

O comunicado do grupo nacionalista reflexa que a factura de 2008 presentada á Corporación polo Goberno bipartito declara a cantidade de 748 quilogramos de costela en tiras conxelada. Explica que cada quilo de carne repártese en preto de tres pratos, "unha cantidade coa que se podería dar para comer a todos os veciños adultos de Cabanas durante dous días".

Ademais, apunta, o quilo de churrasco en Santa Marta custou preto de 8,59 euros mentres que o seu prezo de "mercado" oscilaría entre 2,50 e 3 euros segundo a calidade.

laopinioncoruña.es

Xa sabemos en que gasta os cartor Castrillon.
relacionada:http://cardido.blogspot.com/2009/06/en-que-gasta-os-cartos-castrillon.html